შიდა ქართლში საქართველოს ჩემპიონატის შესარჩევი ტურნირი გაიმართა ჭადრაკში.

შეჯიბრში 8, 10 და 12 წლამდე ასაკის მოთამაშეები მონაწილეობდნენ.

მონაწილეთა შორის იყვნენ როგორც გოგონები, ისე ჭაბუკი მოჭადრაკეები.

ტურნირი შიდა ქართლის რეგიონალური ჭადრაკის ფედერაციის ორგანიზებით ჩატარდა.

ფედერაციის პრეზიდენტის ციალა ქასოშვილის ინფორმაციით, პრიზიორები საქართველოს ჩემპიონატზე იასპარეზებენ, რომლის დასრულების შემდეგ ტურნირის გამარჯვებულები მსოფლიოს, მეორე ადგილის მფლობელი კი ევროპის ჩემპიონატზე გაემგზავრებიან.