გორში მოქმედი ტურისტული კომპანია „იარე“ გუნდის წევრებს ეძებს, - აღნიშნულის შესახებ ინფორმაცია კომპანიის დამფუძნებელმა შალვა ტლაშაძემ სოციალურ ქსელში გამოაქვეყნა.

შალვა ტლაშაძის განმარტებით, „იარეს“ გუნდში მოსახვედრად აუცილებელი პირობაა უცხოური ენის ცოდნა და მოგზაურობის უზომო სიყვარული.

„დადგა ის მომენტიც, როცა გუნდთან ერთად უნდა გავაგრძელო ჩემი საქმიანობა. ჰოდა, არ ვეძებ სტანდარტულ თანამშრომლებს, ვეძებ, პირველ რიგში, თანამოაზრეებს, ვისაც უზომოდ ეყვარება მოგზაურობა და მოგზაურობასთან დაკავშირებული საქმიანობა ( ტურის დაგეგმვა, ჯგუფზე გაყოლა და ა.შ.).

დამეხმარეთ მეც და დაეხმარეთ ახალგაზრდებს, დასაქმდნენ უკიდურესად საინტერესო სფეროში. დაინტერესებულმა პირებმა 16 აპრილამდე გამომიგზავნეთ მოკლე,  მარტივი სამოტივაციო წერილი და მოგზაურობასთან დაკავშირებით თქვენი გამოცდილება (ასეთის არსებობის შემთხვევაში) ელექტრონულ მისამართზე: sh.tlashadze @ gmail . com. დამატებითი ინფორმაციისთვის დამიკავშირდით ნომერზე: 599 85 53 18“, - წერს შალვა ტლაშაძე.