შიდა ქართლის სახელმწიფო რწმუნებულმა ლევან ხარაბაძემ გორის მუნიციპალიტეტის მერიისა და საკრებულოს წარმომადგენლებთან სამუშაო შეხვედრა გამართა.

შეხვედრაზე სამხარეო ადმინისტრაციის და ადგილობრივი თვითმმართველობის სამსახურების მჭიდრო თანამშრომლობის მნიშვნელობაზე და გორის მუნიციპალიტეტში მიმდინარე და დაგეგმილ პროექტებზე (ინფრასტრუქტურის, სოფლის მეურნეობის, სოციალური, ტურისტული და ეკონომიკური მიმართულებით) ისაუბრეს და მუნიციპალიტეტის პრიორიტეტულ მიმართულებებზე იმჯელეს.

„როგორც ლევან ხარაბაძემ განმარტა, მუნიციპალიტეტის თითოეული სამსახური უზრუნველყოფს რეგიონის გამართულად მუშაობას, შესაბამისად, კომპეტენციის ფარგლებში კოორდინირებული თანამშრომლობა მნიშვნელოვანია“ - აღნიშნულია გორის მუნიციპალიტეტის მერიის მიერ გავრცელებულ ინფორმაციაში.