საზოგადოება
26.03.2024 23:58
საქართველოში ევროკავშირის სადამკვირვებლო მისიის ხელმძღვანელად გენერალ-მაიორი პატრიცია ბეტინა ბუღანი დაინიშნა
გენერალ-მაიორი პატრიცია ბეტინა ბუღანი საქართველოში ევროკავშირის სადამკვირვებლო მისიის ხელმძღვანელად დაინიშნა.
ბეტინა ბუღანი ამ პოსტს 2024 წლის 14 დეკემბრამდე დაიკავებს. ბუღანი არის საფრანგეთის ეროვნული ჟანდარმერიის ოფიცერი, მას საერთაშორისო ურთიერთობებისა და სტაბილიზაციის მისიებში დიდი გამოცდილება აქვს. ბეტინა ბუღანს სხვადასხვა პერიოდში ეკავა სხვადასხვა მაღალი თანამდებობა გაეროსა და საფრანგეთის ჟანდარმერიაში, ასევე შინაგან საქმეთა სამინისტროში. ბოლო დროს ის ჩართული იყო კონფლიქტების პრევენციაში, მედიაციაში და მშვიდობის შენარჩუნებაში პოლიტიკურ და უსაფრთხოების კონტექსტში.
ბუღანმა დიმიტრიოს კარაბალისი შეცვალა.
ინფორმაციისთვის, საქართველოში ევროკავშირის სადამკვირვებლო მისიის ერთ-ერთი ოფისი გორში მდებარეობს.
