საზოგადოება
21.03.2024 14:08
„გორელი მეთოჯინეები“ - გორში გამოფენა მოეწყო
მეთოჯინის საერთაშორისო დღესთან დაკავშირებით, გორში გამოფენა - „გორელი მეთოჯინეები“ მოეწყო.
ღონისძიება სერგი მაკალათიას სახელობის ისტორიულ-ეთნოგრაფიულ მუზეუმში გაიმართა.
გორის მუნიციპალიტეტის კულტურის სააგენტოს ინფორმაციით, საგამოფენო სივრცეში ფონდებში დაცული და გორელი მეთოჯინეების მიერ შექმნილი თოჯინები იყო წარმოდგენილი.
აქტივობის ფარგლებში, გორის ახალგაზრდობისა და კულტურის განვითარების განყოფილებასთან არსებულმა თოჯინების თეატრმა პატარებისთვის სპექტაკლი „წითელქუდა“ გამართა.
ცნობისთვის, მეთოჯინის საერთაშორისო დღე 2003 წლის 21 მარტიდან იღებს სათავეს და იდეა ირანელ მეთოჯინე ჟივიდა ზოლფაღარიჰოს ეკუთვნის.
