18 მარტს ნარჩენების გადამუშავების საერთაშორისო დღე აღინიშნება. თარიღი მთელ მსოფლიოში 2018 წლიდან აღინიშნება და მიზანად ისახავს მსოფლიო საზოგადოების ყურადღება ნარჩენების მართვის თანამედროვე სტანდარტების დანერგვის გარდაუვალ აუცილებლობაზე გაამახვილოს.

რაც შეეხება საქართველოს, 2015 წელს ძალაში შევიდა „ნარჩენების მართვის კოდექსი“, რომელიც საქართველო-ევროკავშირს შორის გაფორმებული ასოცირების შესახებ შეთანხმებით გათვალისწინებულ დირექტივების და რეგულაციების მოთხოვნებს ეფუძნება.

კერძოდ, კოდექსი სახიფათო, არასახიფათო და ინერტული ნარჩენების შეგროვების და დამუშავების თანამედროვე სისტემების ეტაპობრივ დანერგვას, თანამედროვე ნაგავსაყრელების მოწყობას, ნარჩენების გადამუშავების თანამედროვე ტექნოლოგიების და „მწარმოებლის გაფართოებული ვალდებულების“ დანერგვას ითვალისწინებს.