მოხალისეობრივი საქმიანობით დაინტერესებული ახალგაზრდებისთვის საერთაშორისო  პროექტი იწყება.

აქტივობის ფარგლებში მონაწილეები 11-თვიან მოხალისეობრივ საქმიანობას ხორვატიის ქალაქ  ოსიეკში განახორციელებენ.

როგორც გორის განვითარების სააგენტოში აცხადებენ, მოხალისეობრივი საქმიანობა მოიცავს: საერთაშორისო პროექტებზე მუშაობას, მდგრადი განვითარების თემებზე და მიზნებზე სხვადასხვა აქტივობის მომზადებას და წარმართვას; სტატიების წერას, სოციალური მედიის მართვას და სხვა მრავალფეროვან აქტივობას.

„ჩვენმა პარტნიორმა ორგანიზაციამ - Proni Centre for social education, გამოაცხადა 11 თვიანი მოხალისეობრივი ESC ვაკანსია. პროექტი 2024 წლის მარტიდან დაიწყება და თერთმეტი თვე - 2025 წლის იანვრამდე გაგრძელდება. ფინანსდება მგზავრობა, საცხოვრებელი, კვება, დაზღვევა.

პროექტში მონაწილეობა შეუძლიათ 18-30 წლის ახალგაზრდებს, რომლებიც უნდა ფლობდნენ ინგლისურს“, - აცხადებენ სააგენტოში.