ასი და მეტი წლის ასაკის უხუცესებს, გორის მუნიციპალიტეტის მერია ერთჯერადად 1000 ლარით დაეხმარება, ადგილობრივი თვითმმართველობისგან სოციალური პროგრამის ფარგლებში, ფულად შემწეობას მიიღებენ ოჯახში ძალადობის მსხვერპლი ბენეფიციარებიც (აღნიშნულ პირებზე გასაცემი თანხა 300 ლარს შეადგენს). მიმდინარე წელს, უწყება ასევე მოახდენს მიუსაფარი ადამიანების ქირით უზრუნველყოფასაც და მოქალაქეების აღნიშნულ კატეგორიას თვეში 200 ლარის ოდენობით დაეხმარება.

„დახმარებით სარგებლობა შეუძლიათ მხოლოდ გორის მუნიციპალიტეტის ტერიტორიაზე რეგისტრირებულ მოქალაქეებს. დახმარების მიღების მიზნით, მერიაში წარმოსადგენი დოკუმენტების შესახებ ინფორმაცია კი, შეგიძლიათ იხილოთ როგორც საკრებულოს შესაბამის დადგენილებაში, ასევე ვებგვერდზე - gori. Gov. ge“ - ნათქვამია ადგილობრივი თვითმმართველობის მიერ გავრცელებულ ინფორმაციაში.