ოკუპირებული ტერიტორიების მოსაზღვრე სოფლებში - ქვემო არცევსა და მერეთში ჩინეთის სახალხო რესპუბლიკის საელჩოსგან მიღებული გრანტით სპორტული მინი მოედნების მოწყობა მიმდინარეობს.

ადგილობრივი თვითმმართველობის ცნობით, პროექტის მიხედვით მოედნებზე ხელოვნური საფარი, ფეხბურთის კარები, ღობე, შესასვლელი კარი და გარეგანათება მოეწყობა.

„ორივე პროექტი ადგილობრივი მოსახლეობის თხოვნით ხორციელდება. სამუშაოების სახელშეკრულებო ღირებულება 265 561 ლარია. გორის მუნიციპალიტეტმა გრანტის სახით 500 000 ჩინური იუანი (190 000 - მდე ლარი) მიიღო. პროექტისთვის საჭირო თანხის ნაწილი კი ადგილობრივი ბიუჯეტიდან გამოიყო“, - აცხადებენ მერიაში.