პროექტის - „აქტიური ცხოვრება ჩემი სტიქიაა“ ფარგლებში, ბაკურიანში ეტლითხილამურების ტრადიციული ჩემპიონატი მოეწყო.

აქტივობაში გორელებთან ერთად, საქართველოს სხვადასხვა მუნიციპალიტეტში მცხოვრები ვეტერანები, სამშვიდობო მისიებში დაჭრილი ჯარისკაცები და შშმ პირები მონაწილეობდნენ.

ღონისძიება „ახალგაზრდული მედიაკავშირის“ ორგანიზებით მოეწყო, რომელთანაც გორის მერია „სპორტული ღონისძიებებისა და პროექტების ხელშეწყობის პროგრამის“ ფარგლებში თანამშრომლობს.

„ღონისძიებაში მონაწილეობის მსურველების რაოდენობა ყოველწლიურად იზრდება. ინიციატივის მიზანი შშმ პირების საზოგადოებაში ინტეგრაციაა. ეტლითხილამურების ჩემპიონატის გარდა, პროექტის ფარგლებში, შშმ პირების ჩართულობით სხვადასხვა სახის სპორტული ღონისძიება იმართება“, - აღნიშნულია გორის მუნიციპალიტეტის მერიის მიერ გავრცელებულ ინფორმაციაში.