გარემოს ეროვნული სააგენტოს ინფორმაციით, უახლოესი ერთი კვირის განმავლობაში გორის მუნიციპალიტეტში მოსალოდნელია უნალექო ამინდი, თუმცა, ღამის საათებში ნავარაუდევია ყინვა.

რაც შეეხება ამინდის დეტალურ პროგნოზს, 27 თებერვალს, დღისით, ჰაერის მაქსიმალური ტემპერატურა +5 გრადუსს მიაღწევს, ღამის საათებში კი მოსალოდნელია -4 გრადუსი ყინვა.

-5 გრადუსი ღამით და +5 გრადუსია ნავარაუდევი გორში 28 თებერვალს.

29 თებერვალს დღისით ჰაერი +8 გრადუსამდე გათბება, ღამით კი კვლავ -5 გრადუსი ყინვაა მოსალოდნელი.

მარტის დასაწყისში - 1-ელ, 2 და 3 მარტს ჰაერის ტემპერატურა მოიმატებს და დღისით +11 გრადუსს მიაღწევს, ღამის საათებში კი -3 გრადუსამდე ყინვა შენარჩუნდება.

სინოპტიკოსების ცნობით, 4-5 მარტს გორში ჰაერის ტემპერატურა დღისით +12 გრადუსამდე მოიმატებს, +1 გრადუსია ნავარაუდევი ღამით.