საზოგადოება
02.03.2020 12:19
რა დოკუმენტები დაგჭირდებათ ბავშვის პირველ კლასში დასარეგისტრირებლად
საქართველოს განათლების მეცნიერების, კულტურისა და სპორტის სამინისტრომ პირველკლასელტა რეგისტრაციის პირველი ეტაპი გამოაცხადა.
GMnews გთავაზობთ იმ დოკუმენტების ნუსხაც, რომლებიც ზოგადსაგანმანათლებლო დაწესებულებაში მოსწავლის პირველ კლასში ჩასარიცხად დაგჭირდებათ: მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას; მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში).
სამინისტრო მშობლებს მოუწოდებს ყურადღებით გაეცნონ რეგისტრაციის ვადებს და პირობებს, რათა ბავშვის სკოლაში შეყვანა დროულად და შეუფერხებლად შეძლონ.
2020-2021 სასწავლო წლისთვის დარეგისტრირებას შეძლებენ ბავშვები, რომლებსაც 6 წელი 15 სექტემბრის ჩათვლით უსრულდებათ.
