გორელი მძლეოსანი გიორგი მუჯარიძე ბირთვის კვრაში საერთაშორისო ტურნირის გამარჯვებულია.

შეჯიბრი თურქეთის ქალაქ მერსინში ჩატარდა.

აღსანიშნავია, რომ მიმდინარე წელს მძლეოსანმა სტამბულში გამართულ ბალკანეთის ჩემპიონატზე ბირთვის კვრაში ბრინჯაოს მედალი მოიპოვა, საქართველოს ჩემპიონატი კი გამარჯვებით დაასრულა.

„ტრავმის შემდეგ ნელ-ნელა ვიკრებ ძალებს, რომ აქტიურად გავაგრძელო სპორტული კარიერა. გასული ერთი თვის განმავლობაში სხვადასხვა შეჯიბრზე წარმატებით ვიასპარეზე. ამჟამად პორტუგალიაში გასამართი ტურნირისთვის ვემზადები, რომელიც 9-10 მარტს ჩატარდება. ყველა წარმატება ოლიმპიადისთვის სალიცენზიო ქულების დაგროვებას ემსახურება“, - „გორის მაცნესთან“ საუბარში აღნიშნა გიორგი მუჯარიძემ.