საზოგადოება
08.02.2024 15:56
გორში ჩოგბურთის კორტების რეაბილიტაცია იგეგმება
გორში ჩოგბურთის კორტების რეაბილიტაცია იგეგმება. შესაბამისი სამუშაოების შესყიდვის მიზნით, ადგილობრივმა თვითმმართველობამ ტენდერი უკვე გამოაცხადა.
როგორც გორის მუნიციპალიტეტის მერიაში აღნიშნავენ, პროექტის სავარაუდო ღირებულება 966 590 ლარია. რაც შეეხება გეგმით გათვალისწინებულ სამუშაოებს, დამონტაჟდება ახალი ლითონის ბადე, რკინა-ბეტონის ფილები, ლითონის კარი, კიბე, ლითონის ღობე, მოეწყობა პანდუსი, ახალი სანიაღვრე, საკანალიზაციო და ელექტო სისტემები. კორტების ტერიტორიაზე დაიგება, ასევე, ახალი საფარი, მოწერიგდება გასახდელებები და სველი წერტილები, დაემატება სკამები, გამოიცვლება ფანჯრები და ჩატარდება სამღებრო და გადახურვის სამუშაოები.
პროექტით გათვალისწინებული სამუშაოების დასრულების შემდეგ, აღნიშნული სპორტული ობიექტი სრულად დაკმაყოფილებს თანამედროვე სტანდარტებს.
