საზოგადოება
08.02.2024 12:22
წიგნის საჯაროდ კითხვის მსოფლიო დღესთან დაკავშირებით, გორის საბავშვო ბაღებს სააგენტოს თანამშრომლები ესტუმრნენ
გორის მუნიციპალიტეტის სკოლამდელი აღზრდის სააგენტოს თანამშრომლები მეშვიდე და მეთვრამეტე საბავშვო ბაღში იმყოფებოდნენ.
შეხვედრა წიგნის საჯაროდ კითხვის მსოფლიო დღესთან დაკავშირებით მოეწყო.
სააგენტოს ინფორმაციით, სტუმრებმა სკოლამდელი დაწესებულების აღსაზრდელებს ზღაპრები წაუკითხეს და საჩუქრად მხატვრული ლიტერატურა გადასცეს.
წიგნის საჯაროდ კითხვის მსოფლიო დღე აღნიშნეს გორის მეოთხე საბავშვო ბაღშიც.
სკოლამდელი აღზრდის დაწესებულებას გორის სახელმწოფო უნივერსიტეტის ბიბლიოთეკის ხელმძღვანელი ნინო გორგიშელი და სტუდენტები ესტუმრნენ.
ახალგაზრდებმა პატარებს სპეციალურად ამ დღისთვის შერჩეული ზღაპრები წაუკითხეს და საჩუქრები გადასცეს.
წიგნის საჯაროდ კითხვის მსოფლიო დღე ცნობილი ღონისძიებაა, რომელშიც 100 სხვადასხვა ქვეყნიდან 31 მილიონამდე ადამიანი მონაწილეობს და საერთო სლოგანის - „იკითხე ხმამაღლა, შეცვალე მსოფლიო“ გარშემო ერთიანდება.
