სოფელ ქვახვრელის საჯარო სკოლა სპეციალური საგანმანათლებლო საჭიროების მქონე პირის ასისტენტის ვაკანსიას აცხადებს.

ვაკანსია კვირაში 15 საათიან სამუშაოს მოიცავს და ხელფასი თვეში 250-300 ლარით განისაზღვრება.

დამსაქმებლის ინფორმაციით, კანდიდატი უნდა აკმაყოფილებდეს შემდეგ საკვალიფიკაციო მოთხოვნებს:

 ა) ჰქონდეს მინიმუმ პროფესიული განათლება, ბაკალავრის აკადემიური ხარისხი ან იყოს დამამთავრებელი კურსის სტუდენტი;

ბ) ფლობდეს ინფორმაციას შეზღუდული შესაძლებლობის, განვითარების კანონზომიერებების და დარღვევების შესახებ. ჰქონდეს მინიმალური კომპეტენცია ასისტირების სტრატეგიების და ქცევის მართვის საკითხებზე.

• უპირატესობა ენიჭება პირს, რომელსაც დამატებით:

ა) აქვს სპეციალური საგანმანათლებლო საჭიროების/ შეზღუდული შესაძლებლობის მქონე პირთა სწავლების ან/და ზრუნვის გამოცდილება;

ბ) აქვს გავლილი ტრენინგ-კურსები ინკლუზიური განათლების საკითხებზე (შეუძლია წარმოადგინოს შესაბამისი სერტიფიკატი);

გ) აქვს გავლილი სტაჟირება ინკლუზიური განათლების სფეროში.

განაცხადის გაკეთების ბოლო თარიღად მითითებულია მიმდინარე წლის 12 თებერვალი.

კონკურსი ტარდება 2 ეტაპად. პირველ ეტაპზე შერჩევა მოხდება წარდგენილი დოკუმენტაციის საფუძველზე, მეორე ეტაპზე კი ჩატარდება გასაუბრება.

სამუშაოს დაწყების თარიღად 19 თებერვალია მითითებული.