სოფელ აძვის განაპირას, საოკუპაციო ხაზის სიახლოვეს დაკავებული ელდარ გუნდიშვილი დე ფაქტო რეჟიმის წარმომადგენლებმა ცოტა ხნის წინ გაათავისუფლეს. 1949 წელს დაბადებული გუნდიშვილი ე.წ. მესაზღვრეებმა ორი დღის წინ დააკავეს, ე.წ. საზღვრის გადაკვეთაში დასდეს ბრალი და ცხინვალის მილიციის განყოფილებაში გადაიყვანეს.

ელდარ გუნდიშვილი ე.წ. საზღვრის უკანონოდ გადაკვეთის ბრალდებით მესამედ იყო დაკავებული. ცხინვალიდან გათავისუფლებული ამ წუთებში შსს-ს შიდა ქართლის პოლიციის დეპარტამენტის შენობაში იმყოფება და მალე შინ დაბრუნდება.