საზოგადოება
05.02.2024 10:34
გორის მუნიციპალიტეტის საბავშვო ბაღებში აღსაზრდელთა დამატებითი რეგისტრაცია და მობილობა დღეიდან იწყება
გორის მუნიციპალიტეტის საბავშვო ბაღებში აღსაზრდელთა დამატებითი რეგისტრაცია და მობილობის პროცესი დღეიდან, 5 თებერვლიდან დაიწყება და 9 თებერვლის ჩათვლით გაგრძელდება.
როგორც „გორის მაცნეს“ სკოლამდელი აღზრდის სააგენტოში განუცხადეს, რეგისტრაციის გასავლელად აღსაზრდელთა მშობლებმა/მეურვეებმა შესაბამისი განაცხადით სააგენტოს (სტალინის 16) უნდა მიმართონ.
საბავშვო ბაღში ჩარიცხვა იმ აღსაზრდელებს შეეძლებათ, ვისაც 2 წელი უკვე შეუსრულდა. რაც შეეხება მობილობას, სასურველ სკოლამდელ საგანმანათლებლო დაწესებულებაში გადასვლას აღსაზრდელები თავისუფალი ადგილის არსებობის შემთხვევაში შეძლებენ.
