გორის მუნიციპალიტეტის სოფელ ახალშენსა და ქვემო ახალსოფელში მიმდინარე ინფრასტრუქტურული პროექტები ადგილობრივი ხელისუფლების წარმომადეგენლებმა დაათვალიერეს.

გორის მუნიციპალიტეტის საკრებულოს ფრაქცია „ქართული ოცნება-დემოკრატიული საქართველოს“თავმჯდომარემ კობა ბერიანიძემ, მოადგილეებთან ნანი ოქროპირიძესთან და გიგა გელაშვილთან, მერის წარმომადგენელთან დავით ცერცვაძესთან ერთად, ადგილზე მოინახულეს პროექტების მიმდინარეობა და მშენებლობის შესახებ დეტალური ინფორმაცია მოისმინეს.

„ახალშენში დასრულების პროცესშია მოსაცდელის მშენებლობა, ხოლო ქვემო ახალსოფელში სოფლის ცენტრალურ გზაზე ბეტონის საფარი დაიგო და მიმდინარეობს სანიაღვრე არხების მოწყობა.

აღნიშნული ინფრასტრუქტურული პროექტები მოსახლეობის საჭიროებებიდან გამომდინარე ხორციელდება“, - „გორის მაცნესთან“ აღნიშნა გიგა გელაშვილმა.