ვაჭრობის სამინისტროს თანამშრომელი, რომელიც სამუშაო ვიზიტით ჩინეთში იმყოფებოდა, ქვეყანაში დაბრუნებისთანავე კარანტინში მოათავსეს. მას აეკრძა­ლა სპე­ცი­ა­ლუ­რი ნე­ბარ­თვის გა­რე­შე იზოლირებული შენობის დატოვება და გარეთ გას­ვლა, თუმ­ცა, მას შემ­დეგ, რაც აკ­რძალ­ვას არ და­ემორ­ჩი­ლა და სა­ზო­გა­დო­ებ­რივ აბა­ნო­ში წა­ვი­და, სასჯელის უმაღლესი ზომა - დახ­ვრი­ტა მიუსაჯეს და განაჩენი იმავე დღეს მოიყვანეს სისრულეში. ჩრდილოეთ კორეაში კორონავირუსის გავრცელების შესაძლო რისკის გამო კიდევ ერთი ადამიანი გამოასალმეს სიცოცხლეს. ამის შესახებ კი,International Business Times და ბლოგერი Secret Beijing იუწყება. რაც შეეხება კორეულ მედიას, წერენ, რომ ქვეყანაში ინფიცირებულთა რაოდენობა 19-ია, ხოლო გარდაცვლილია 5 ადამიანი. ოფიციალური ფხენიანი ინფორმაციას არ ადასტურებს. ადგილობრივი გამოცემის მიხედვით, ჩრდილოეთ კორეის ლიდერი იანვრის შემდეგ საზოგადოებაში არ გამოჩენილა.

ამ დროისათვის ჩრდილოეთ კორეას დახურული აქვს როგორც სახმელეთო, ასევე საჰაერო საზღვრები ჩინეთთან, ხოლო უცხო ქვეყნის მოქალაქეებზე ვრცელდება საკარანტინო რეჟიმი 30 დღის განმავლობაში.