სპორტული ინფრასტრუქტურის გაუმჯობესების მიზნით, გასულ წელს გორის მუნიციპალიტეტს 15 მოედანი შეემატა.

2023 წელს შესაბამისი ინფრასტრუქტურა ქალაქის მასშტაბით შემდეგ ლოკაციებზე - ნადირაძის ქუჩა, გვერდწითელის და ნადირაძის ქუჩების მიმდებარედ, თამარ მეფის გამზირზე, სამების და პეტრიაშვილის ქუჩების მიმდებარედ მოეწყო.

რაც შეეხება სოფლებს, შესაბამისი სამუშაოები კარალეთის დევნილთა დასახლებაში, საქაშეთში, ხურვალეთში, ზერტში, კარბში, ბროწლეთში, ვარიანში, უფლისციხეში, ქვემო ხვითში, ძევერასა და ქვემო ნიქოზში განხორციელდა.

ადგილობრივი თვითმმართველობის ინფორმაციით, საკალათბურთო კლუბ „ივერიონის“ თანამშრომლობით, ასევე, რეაბილიტაცია ჩაუტარდა კალათბურთის შვიდ მოედანს. ჩინეთის საელჩოს მიერ გამოყოფილი გრანტის (500 000 იუანი) მეშვეობით კი ორი სპორტული მოედანი მერეთსა და ქვემო არცევშიც მოეწყობა.