19 იანვარს გორი ჭადრაკში შიდა ქართლის ბლიც ტურნირს უმასპინძლებს.

შეჯიბრში მონაწილეობა ნებისმიერი ასაკის მოთამაშეებს შეუძლიათ.

ტურნირში მონაწილეობის მსურველებმა სატურნირო შენატანის გადარიცხვის დოკუმენტი ელექტრონულ მისამართზე: cialaqasoshvili @ gmail . com უნდა გადააგზავნონ. დოკუმენტაციის მიღების ბოლო ვადა 18 იანვრის 18:00 საათია.

რაც შეეხება პრიზიორებს, პირველ ადგილზე გასული მოჭადრაკეები თასებით, მედლებით და დიპლომებით დაჯილდოვდებიან. მეორე და მესამე ადგილის მფლობელებს კი მედლები და დიპლომები გადაეცემათ.

ტურნირი შიდა ქართლის რეგიონული ჭადრაკის ფედერაციის ორგანიზებით გაიმართება.