ფოტოგრაფიით დაინტერესებული გორელი ახალგაზრდებისთვის  კონკურსი იწყება. ორგანიზატორების ინფორმაციით, საკონკურსო ნამუშევარი თემატურად დაკავშირებული უნდა იყოს გორთან.  

ნამუშევრის წარდგენა შეუძლიათ 15-25 წლის ახალგაზრდებს. მიიღება მხოლოდ JPEG ფორმატის 2023-2024 წლებში გადაღებული ფერადი და შავ-თეთრი ფოტოები.

„ღონისძიებაფოტოგრაფიის კონკურსს და გამოფენას აერთიანებს, სადაც გორელი ახალგაზრდები მხატვრულ ნიჭს წარმოაჩენენ და მშობლიურ ქალაქს ახალი პერსპექტივიდან დაგვანახებენ. ციფრული გამოფენა გორის ერთ-ერთ საჯარო სკოლაში მოეწყობა და გამარჯვებულთა ფოტოებთან ერთად,  აშშ-ს საელჩოს წარმომადგენლის და ფრინლასერი ფოტოგრაფის მარიო მონტოიას ნამუშევრები გამოიფინება.

პროექტი ახალგაზრდებს და დამსწრე საზოგადოებას შესაძლებლობას მისცემს, დაინახონ საქართველო როგორც ქართველი, ისე ამერიკელი ხალხის თვალით“, - აცხადებენ ორგანიზატორები.  

კონკურსში მონაწილეს შეუძლია მაქსიმუმ 2 ნამუშევრის გაგზავნა, რომელსაც თან უნდა ახლდეს ინფორმაცია - ავტორის სრული სახელი, ასაკი, ფოტოს სათაური და აღწერა (2-3 წინადადება).

ნამუშევრები უნდა გაიგზავნოს შემდეგ ელექტრონულ მისამართზე: KetsbaiaM @ State.gov სათაურით PHOTO Contest - GORI Through My L

ნამუშევრების გაგზავნის ბოლო ვადა 31 იანვარის 18:00 საათია.