გორის მუნიციპალიტეტის სოფელ კარბის საჯარო სკოლაში ხვალ, 29 დეკემბერს, საქველმოქმედო აქცია გაიმართება.

საგანმანათლებლო დაწესებულების ცნობით, მაყურებელი თოჯინურ სპექტაკლს „ჩხიკვთა ქორწილი“ ნახავს. გარდა ამისა, მოსწავლეების ხელნაკეთი ნივთების გამოფენა-გაყიდვა მოეწყობა.

საქველმოქმედო ღონისძებაზე შესული თანხით  სოფელში მცხოვრებ მრავალშვილიან და გაჭირვებულ ოჯახებს დაეხმარებიან.

აქტივობა 12:00 საათზე დაიწყება.